У Новы год без правапарушэнняў!
У рамках прафілактычнай акцыі "У Новы год без правапарушэнняў" работнікі Веткаўскага раённага падраздзялення МНС правялі ўрок бяспекі і экскурсію ў пажарную частку навучэнцам пачатковых класаў дзяржаўнай установы адукацыі “Сярэдняя школа №1 горада Веткі імя А. А. Грамака".
У гульнявой форме хлопцы паўтарылі, як у выпадку надзвычайнай сітуацыі выклікаць службу выратавання, якія небяспекі характэрныя толькі ў зімовы перыяд, успомнілі правілы паводзін на лёдзе, небяспеку выкарыстання піратэхнічных вырабаў. Тэатр-экспромт з героямі мультфільма "Чароўная кніга" вельмі спадабаўся хлопцам, кожны змог адчуць сябе артыстам. У канікулярны перыяд такія мерапрыемствы ўжо сталі традыцыяй для ратавальнікаў. Бо галоўная мэта для іх - гэта навучыць маладое пакаленне правілам бяспекі жыццядзейнасці, каб у далейшым знізіць колькасць надзвычайных сітуацый з удзелам дзяцей. У завяршэнне ўсе без выключэння атрымалі сувеніры і наглядна-выяўленчую прадукцыю ад ратавальнікаў.
